Accessibility links

Диас Бахраддин - жасөспірімдер олимпиадасының чемпионы


Диас Бахраддинов жарысқа қатысып жатқан сәт. Буэнес-Айрес, 12 қазан 2018 жыл.
Диас Бахраддинов жарысқа қатысып жатқан сәт. Буэнес-Айрес, 12 қазан 2018 жыл.

Буэнес-Айресте (Аргентина) өтіп жатқан жасөспірімдер арасындағы олимпиадада қазақстандық Диас Бахраддин каноэ есуден спринт жарыста алтын алды. Ол финалда өзбекстандық Исломджон Абдусаломовты жеңді. Қыздар арасындағы байдарка есу жарысында қазақстандық Стелла Суханова қола жүлдегер атанды. Бахраддин - 16, Суханова - 15 жаста.

Қазір Қазақстан делегациясы жасөспірімдер олимпиадасының екі алтын, бір күміс, бір қоламен жалпы есепте 14-орында тұр.

Бұған дейін дзюдодан Бекарыс Садуақас жасөспірімдер олимпиадасының чемпионы атанған. Тағы бір дзюдошы Маргарита Гриценко күміс иеленген.

Биылғы жазғы олимпиадаға Қазақстан 41 жолдама иеленді. Олар жүзу, бокс, күрес, дзюдо, баскетбол, суға секіру, триатлон, гимнастика, теннис, жеңіл атлетика, каратэ, таэквондо сында спорт түрлерінен медальға таласады.

Буэнес-Айрестегі жасөспірімдер олимпиадасына 206 елден 4012 спортшы қатысып жатыр.

18 жасқа дейінгі спортшылар қатысатын Жасөспірімдер олимпиадасы 2010 жылдан бері ұйымдастырылып келеді. Алғашқы олимпиада Сингапурде өтіп, Қазақстан 2 алтын, 2 күміс, 2 қоламен жалпы есепте 24-орын алған. 2014 жылы Қытайдың Нанкин қаласындағы Жасөспірімдер олимпиадасында Қазақстан 3 алтын, 1 күміс, 4 қоламен 21-орынды иеленген.

Аргентинадағы олимпиада 18 қазанда аяқталады.

ПІКІРЛЕР

XS
SM
MD
LG