2014 жылы мамыр айында Ресей билігі украиналық режиссер Олег Сенцовты “Қырымда теракт жасамақ болды” деп айыптап, 20 жылға соттады. 2018 жылы көктемде режиссер Ресейдегі барлық украиналық саяси тұтқындарды босатуды талап етіп, аштық жариялады. 25 қазанда Сенцовқа Сахаров атындағы сыйлық берілді. Сенцовты Сахаров атындағы сыйлыққа Еуропарламенттің ең ірі саяси фракциясы – Еуропалық халық партиясы ұсынған. Партия өкілдері "Сенцов Қырымдағы Ресей билігіне қарсы шыққаны үшін сотталды" және "Ресей билігі Қырым түбегінде заңсыз тұтқындап, ұзақ мерзімге бас бостандығынан айырған 70 украиналық азаматтың символына айналды" деп мәлімдеді.