Accessibility links

Алматыда полиция екі белсендіге "айыппұл салды"


"Нұр Отан" партиясының Алматы қаласындағы кеңсесінің алдына жиналған халық. 27 ақпан 2019 жыл.

27 ақпанда Алматы қаласы Медеу аудандық полиция басқармасы белсенділер - Дильнар Инсенова мен Сақып Жаңабаеваны "құқық қорғау қызметкерлеріне бағынбады" деп айыптап, 5 айлық есептік көрсеткіш (12 жарым мың теңге) айыппұл салған. Бұл туралы Азаттыққа Инсенова хабарлады.

Инсенованың сөзінше, оларды Алматыдағы Абылай хан және Гоголь көшесінің қиылысында ұстап, Медеу аудандық полиция басқарамасына апарған. Сол жерде полиция оларға хаттама толтырып, айыппұл салған.

Азаттық тілшісі бұл ақпаратқа қатысты Алматы қалалық прокуратурасы хабарласқан. Прокуратура Алматы қалалық полиция департаментіне сілтеді. Қалалық полиция департаменті әзірге бұл ақпаратқа қатысты пікір бермейтіндерін хабарлады.

Дильнар Инсенова - билікті, банк басшылығын сынап, борышкерлер, үлескерлер мен ипотека алушылардың құқығын қорғап жүрген белсенді. 9 қаңтарда Алматыда сот Инсенованы "бөтеннің мүлкін заңсыз иеленді" деп, екі жылға бас бостандығын шектеді әрі қоғамдық қызметпен айналысуына тыйым салған. Ал Сақып Жаңабаева бұған дейін де бірнеше рет азаматтық белсенділігі үшін әкімшілік жазаға да тартылған.

27 ақпанда Алматыда полиция "Нұр Отан" партиясының алдында ондаған адамды ұстаған. Ұсталғандар арасында Инсенова мен Жаңабаева да бар.

Партия кеңсесінің алдына келгендердің ішінде президент отставкасын талап еткендер де болған. Ал Инсенованың айтуынша, олар "Нұр Отан" алдындағы наразылыққа бармаған, сол маңнан өтіп бара жатқанда полиция ұстап әкеткен.

Жиналғандар: "Назарбаев кетсін!"
please wait

No media source currently available

0:00 0:01:40 0:00

  • 16x9 Image

    Нұргүл ТАПАЕВА

    Нұргүл Тапаева 2012 жылы Түркістандағы Қожа Ахмет Яссауи атындағы Халықаралық қазақ-түрік университетін журналистика мамандығы бойынша бітірген. 2008 жылдан бастап қалалық, облыстық, республикалық телеарналарда журналист, редактор болып жұмыс істеген. 2016 жылдан бері Азаттық радиосының тілшісі. 

    Автормен оның Facebook парақшасында да пікірлесуіңізге болады.

ПІКІРЛЕР

XS
SM
MD
LG