Accessibility links

Министрлік: Астана атауының өзгеруіне байланысты құжаттарды ауыстыру қажет емес


Көрнекі сурет.

Қазақстанның әділет министрлігі құжаттарда астананың бұрынғы атауын көрсету жарамсыз болып есептелмейтінін хабарлады.

"Астана атауының өзгеруі азаматтарға жылжымайтын мүлікке құқық белгілейтін келесі құжаттарды – сатып алу-сату, сыйға тарту, айырбастау шарты, пайдалануға қабылдау актілері және басқа да құжаттарды, сонымен бірге, азаматтық хал актілерін тіркеу туралы құжаттарды - туу, қайтыс болу, неке қию/бұзу туралы куәлік және тағы да басқа құжаттарды ауыстыру міндетін жүктемейді" делінген министрлік хабарламасында.

Хабарламада әділет министрлігінің ақпараттық жүйелерінде елді мекеннің атауы Астана қаласынан Нұр-Cұлтан қаласына автоматты түрде өзгертілетіні жазылған.

23 наурызда Қазақстанның уақытша президенті Қасым-Жомарт Тоқаев Астананы Нұр-Сұлтан деп атау туралы жарлыққа қол қойды.

ПІКІРЛЕР

XS
SM
MD
LG