Қазақстанның уақытша президенті Қасым-Жомарт Тоқаев сәрсенбі, 3 сәуірде Мәскеуге ресми сапармен барып, Кремльде Ресей президенті Владимир Путинмен кездесті. Ол Назарбаев сәлемін жеткізіп, "қысқа уақытта осындай кездесу ұйымдастырғаны үшін Ресей президентіне "алғыс" айтты. Кездесу соңынан ақпарат құралдарына брифинг берген Тоқаев екі ел арасындағы жылы қарым-қатынасты атап өткен. "Өзінің президент ретіндегі қызметі Қазақстан мен Ресей арасындағы ынтымақтастықтың "алтын ғасырында" басталғанын" айтқан Қазақстан президенті Ресеймен түрлі саладағы ынтымақтастық болашақта нығая беретініне сенетінін жеткізген.