Accessibility links

Суданда өтпелі әскери кеңес басшысы отставкаға кетті


Ахмед Авад ибн Ауф (оң жақта) өтпелі әскери кеңес басшысы ретінде ант беріп жатыр. 11 сәуір 2019 жыл.
Ахмед Авад ибн Ауф (оң жақта) өтпелі әскери кеңес басшысы ретінде ант беріп жатыр. 11 сәуір 2019 жыл.

Суданда өтпелі әскери кеңес басшысы, елдегі әскери төңкерісті басқарған Ахмед Авад ибн Ауф отставкаға кетті. 11 сәуірде әскери төңкерістен кейін Омар әл-Башир президенттіктен кетіп, елдегі тұтас билік өтпелі әскери кеңеске өткен еді. Бірақ мыңдаған тұрғын бұл шешіммен келіспей, билікті азаматтық үкіметке беруді талап етіп, көшедегі наразылықтарын жалғастырған.

12 сәуір кешке телеарна арқылы арнайы мәлімдеме жасап, “ұлт мүддесі” үшін қызметінен кеткенін жеткізген Ахмед Авад өз орнына генерал Әбдел Фаттах Бурханды тағайындаған.

11 сәуірде Суданда әскери төңкеріс болып, ел президенті Омар әл-Баширдің отставкаға кеткені белгілі болды. Елді 30 жыл басқарған президент Омар әл-Башир режиміне қарсы наразылық шаралары өткен жылдың желтоқсан айында басталған. Әуел баста наразы тұрғындар азық-түлік бағасын арзандатуды талап еткен. Кейінірек наразылық акциясы саяси сипат алды.

Оқи отырыңыз: Суданды 30 жыл басқарған президент биліктен кетті

ПІКІРЛЕР

XS
SM
MD
LG