Accessibility links

Қордайдағы жол апаты: Автобуста Қазақстан, Өзбекстан және Тәжікстан азаматтары болған


Ташкент - Алматы күрежолында апатқа ұшыраған автобусты арнайы транспортқа тиеп жатқан сәт. Қордай ауданы, Жамбыл облысы. 20 сәуір, 2019 жыл.

Қазақстанның ішкі істер министрлігі Қордайдағы жол апатынан қаза тапқандар мен зардап шеккендер арасында Қазақстан, Өзбекстан және Тәжікстан азаматтары барын хабарлады.

"Жол апатынан қаза тапқан 11 азаматтың сегізі - Қазақстан, үшеуі - Өзбекстан азаматы. Ауруханаға жеткізілген зардап шеккендер арасында Қазақстан, Өзбекстан және Тәжікстан азаматтары бар" делінген министрліктің 20 сәуір түстен кейін таратқан хабарламасында.

20 сәуір таңғы сағат бес шамасында Жамбыл облысы, Қордай ауданы Алматы - Ташкент бағытындағы трассаның 181-шақырымында Toyota көлігі жол жиегінде тоқтап тұрған жүк көлігіне соғылған. Көлік артында келе жатқан автобус аударылған. Көлік апатынан 11 адам қаза тапқан, 29 адам зардап шеккен.

Оқиғаға байланысты "жол ережесін бұзу", "көлiк құралдарын пайдалану қағидаларын бұзу" фактісі бойынша сотқа дейінгі тергеу басталған.

Ішкі істер министрлігінің қызметкерлері мен облыстық полиция департаменті өкілдерінен құралған шұғыл-тергеу тобы құрылған.

ПІКІРЛЕР

AzattyqTV

AzatNews 24.05.2019
please wait
Embed

No media source currently available

0:00 0:14:31 0:00

Фотогалерея

XS
SM
MD
LG