Accessibility links

Шымкентте газ құю станциясындағы жарылыста күйген адам қайтыс болды


Газ құю станциясындағы жарылыс. Шымкент, 7 маусым 2019 жыл.

Шымкентте газ құю станциясындағы жарылыста күйіп қалған 20 жастағы Ерлан Анар қайтыс болды. Бұл ақпаратты 12 маусым күні қалалық денсаулық сақтау департаменті растады.

Департаменттің баспасөз xатшысы Лаура Нақымқызының айтуынша, Ерлан Анар 11 маусым күні түстен кейін Тұрмахан Орынбаев атындағы облыстық жоғары қысымды оттегімен емдеу орталығының жан сақтау бөлімінде қайтыс болған. Ол бұған дейін жасанды тыныс алу аппаратында жатқан.

7 мамыр күні қаладағы газ құю станцасында жарылыс болып, станцияның жұмысшысы Ерлан Анар (1999 жылы туған) жан сақтау бөліміне жеткізілген. Жұмысшының денесінің 98 пайызын күйік шалған. Қалалық төтенше жағдайлар қызметіне "Мұраз" компаниясының газ құю станциясында өрт шыққаны туралы xабарлаған. Шымкент қалалық полиция департаменті өрттен кейін тергеу бастағанын айтқан.

  • 16x9 Image

    Дилара ИСА

    Дилара - Азаттықтың Шымкенттегі тілшісі. 1986 жылы туған. Солтүстік Қазақстан мемлекеттік университеті мен Абай атындағы ҚазҰПУ-ді бітірген.

    "Жас Алаш" газетінде жұмыс істеген.

    Азаттықпен 2012 жылдан бері әріптес.

ПІКІРЛЕР

XS
SM
MD
LG