Accessibility links

Алматыда жүздеген адам қатысқан митинг өтті


Алматыдағы митингке қатысушылар. 30 маусым 2019 жыл.

Маусымның 30-ы күні таңертеңгі сағат 10-да Алматыдағы "Сарыарқа" кинотеатрының артында жергілікті белсенділер мен тұрғындардың митингісі басталды. Оған алғашында ондаған адам қатысып, бара-бара қатысушылар саны 800-900-ге жуықтаған. Бұл - соңғы жылдары алғаш рет биліктің рұқсатымен өтіп жатқан митинг.

Көп алдында алғашқылардың бірі болып сөйлеген қоғам қайраткері Рысбек Сәрсенбайұлы халықты "алғашқы митингпен" құттықтап, "бұл халық жеңісі" деді. Ол халықпен бірге биліктің де "көзін тырмалап ашып, оянып жатқанын" айтып, халықтың өз құқығын талап етуді үйренуі қажет екенін айтты. Ол елдің бірінші президенті Нұрсұлтан Назарбаевқа "сәлем" жолдап:

"Ақсақал, 30 жыл бойы халық мойнына мініп келдіңіз. Енді халық мойнынан түсіңіз, биліктен толық кетіңіз. Өзіңізбен бірге билік қолшоқпары болған ішкі істер министрі, өзге де шенеуніктерді алып кетіңіз" деді.

Алматыда рұқсат етілген митинг қалай өтті?
please wait

No media source currently available

0:00 0:00:49 0:00

Митингке екі сағат уақыт берілген. Сондықтан қатысушылар бір-біріне ойын қысқа да нұсқа жеткізуді, бір-бірін қайталамауға шақырды.

Бұған дейін Нұр-Сұлтан әкімдігі "Байтақ-Болашақ" экологиялық альянсының жетекшісі Азаматхан Әміртайға, Алматы әкімдігі белсенді Әлнұр Ильяшевке 30 маусым күні бейбіт митинг өткізуге рұқсат берген еді.

Қазақстан заңнамасы бойынша елде митинг өткізу үшін жергілікті биліктен рұқсат сұрау қажет. Бұған дейін бірқатар белсенділер әкімдіктің шеру өткізу жайлы өтінішті көп жағдайда қанағаттандырмайтынын, елде шеру өткізу қиындығын алға тартқан еді. Қазақстан 2005 жылы қол қойған Халықаралық саяси және азаматтық құқық пактісіне сәйкес, бейбіт жиын өткізгісі келген азаматтардың билікті тек ескертуі ғана жеткілікті.

Оқи отырыңыз: Қазақстанда жиын өткізетін орынға рұқсат алу қиын

  • 16x9 Image

    Манас ҚАЙЫРТАЙҰЛЫ

    1994 жылы 20 мамырда дүниеге келген. Әл-Фараби атындағы қазақ ұлттық университетінде филология мамандығы бойынша бакалаврды, Абай атындағы қазақ ұлттық педагогикалық университетінде магистратураны тәмамдаған. 

    "Дарабоз" журналында (2012-2014), "31 арнаның" жаңалықтар қызметінде (2015-2018) жұмыс істеген.

    Автормен оның Facebook парақшасында да пікірлесуге болады.

ПІКІРЛЕР

XS
SM
MD
LG