Accessibility links

Тәжікстанда шекараға шабуылдағандар арасында әйелдер мен балалардың болғаны хабарланды


Өзбекстанмен шекараға жақын маңда "шабуыл жасалды" деп хабарланған жерден түсірілген бұл суретті Ішкі істер министрлігі таратқан. Тәжікстан, 6 қараша 2019 жыл

26 қарашада Душанбеде Тәжікстан мемлекеттік ұлттық қауіпсіздік комитетінің басшысы Мухаммад Саидов баспасөз мәслихатын өткізіп, қарашаның басында тәжік шекарасына шабуыл жасағандар арасында балалар мен әйелдер болғанын айтты.

Саидовтың сөзінше, Душанбенің оңтүстік-батысынан 60 шақырым жерде орналасқан шекара бекетіне шабуылдағандар арасында «10 ер, 11 әйел және 4-15 жас арасындағы 13 бала болған».

Комитет басшысының дерегі биліктің 6 қарашадағы мәлімдемесіне қарама-қайшы. Шабуылдан кейін ресми Душанбе «шекараға Ауғанстаннан өткен «Ислам мемлекеті» экстремистік тобының 20 содыры шабуылдады» деп хабарлаған. Сол кезде билік шабуыл жасағандардың 15-і оққа ұшып, бесеуі ұсталғанын, Тәжікстан тарапынан бір милиционер мен бір шекарашы мерт болғанын мәлімдеген. Бірақ кейбір билік өкілдері Азаттықтың Тәжік қызметіне кем дегенде бес шекарашының қаза тапқанын айтқан.

Оқи отырыңыз: Шекара бекетіне шабуылдың салдары қандай болмақ?

8 қарашада «Ислам мемлекеті» экстремистік тобы интернетте Тәжікстандағы шабуылды мойнына алып, «тәжікстандық 10 шекарашыны өлтіргендерін» мәлімдеген.

ПІКІРЛЕР

AzattyqTV

AzatNews 11.12.2019
please wait
Embed

No media source currently available

0:00 0:15:15 0:00
XS
SM
MD
LG