Албаниядағы күшті жер сілкінісінен ондаған адам мерт болды
26 қарашада Албанияда болған зілзала салдарынан, соңғы деректерге сәйкес, 23 адам қаза тауып, жүздеген адам зардап шеккен. Құтқарушылар табиғи апат болған жерде үйінділерді аршып жатыр. АҚШ-тың геологиялық қызметінің дерегінше, 6,4 балдық жер сілкінісінің эпицентрі ел астанасы Тирананың солтүстік-батысына қарай 20 шақырым жерде жердің 20 километр терең қабатында болған.