Ресми дерек бойынша, Қазақстанда жеті мыңнан аса адамның азаматтығы жоқ. Құқық қорғаушылар «бұл есептегілерге «азаматтығы жоқ тұлға» деген куәлік берілгенін айтады. Олардың сөзінше, азаматтығы да, ешбір куәлігі де жоқ адам саны билікке де, мемлекеттік емес ұйымдарға да беймәлім. Азаттық сондай азаматтың бірі, 58 жылдан бері Қазақстанда тұратын қариямен сөйлесті. 69 жастағы Валерий Дьячов құжатсыз өмір сүрудің қиындығы мен оны алудың машақаты туралы айтты.