Бүгін, 5 ақпан Нұр-Сұлтан шетіндегі уақытша баспанадан шыққан өрттен қаза тапқан бес қыздың жерленгеніне бір жыл толды. Қайғылы оқиғадан соң тұрмыс тарлығына шағынған мыңдаған әйел билікке талап қоя бастады. Наразылық күшейген тұста үкімет олардың талабын ескеріп, әлеуметтік төлемді көбейтті. Бірақ бірнеше айдан соң жәрдемақы талап еткендерді «масылдыққа» айыптап, атаулы көмекті беру жүйесін қайта өзгертті. Азаттық алматылықтардан «Бір жыл ішінде үкімет көп балалы отбасылардың мәселесін шеше алды ма?» деп сұраған.