Accessibility links

Өзбекстанда коронавирус жұқтырғандар саны 200-ден асты


Көрнекі сурет.
Көрнекі сурет.

Өзбекстанда коронавирус жұқтырғандар саны 15 адамға көбейіп, 205 адам болды деп хабарлады Өзбекстанның денсаулық сақтау министрлігі. Эпидемия басталған уақыттан бері 25 науқас жазылған. Екі адам көз жұмған.

Елде коронавирусқа байланысты 16 наурызда карантин жарияланған. 27 наурыздан бері тұрғындардың үйден шығуына тыйым салынды. Тұрғындар дәрі-дәрмек немесе азық-түлік сатып алу үшін ғана көшеге шыға алады.

27 наурызда коронавирустан 39 жастағы дәрігер қайтыс болған. Франциядан келген науқастан оған вирус жұққан. Ер адам дәрігерлерге бармай, өзін емдеуге тырысқан.

Бір күн бұрын 72 жастағы Наманган тұрғыны қайтыс болған еді. Созылмалы аурумен ауырған әйелге Түркиядан оралған қызынан коронавирус жұққан.

Оқи отырыңыз: Өзбек билігі коронавирус жайлы "байбалам таратушыларға" сес көрсетті

ПІКІРЛЕР

XS
SM
MD
LG