Қазақстан Сардоба су қоймасындағы апат, Мақтарал ауданында бірнеше ауылды су басқанына байланысты Өзбекстанға наразылық нотасын жібермейтін болды. Алайда Экология, геология және табиғи ресурстар вице-министрі Сергей Громов қазақстандық БАҚ-қа Сардоба су қоймасы Қазақстанның келісімінсіз салынғанын айтқан. Осы пікірді құптаған су маманы, бұрын су шаруашылығы министрі болған Нариман Қыпшақбаев Азаттыққа екі ел арасындағы су проблемасы жайлы сұхбат берді.