Сайт бұғатталып тұрса да, материалды осы сілтемемен кіріп оқуға болады
Мешіт сыртын залалсыздандырып жүрген жұмысшылар. Көрнекі сурет.
Биыл Ораза айт мерекесі 24 мамырға түсті. Жексенбі күні таңертең Қазақстан мешіттерінде Ораза айт намазы оқылмады. Үш күн бұрын Қазақстанның Мұсылмандар діни басқармасы пандемияға байланысты мешіттерде Ораза айт намазы оқылмайтынын хабарлап, айт мерекесін үйде отбасымен бірге қарсы алуға шақырған еді.
Жыл сайын мұсылмандарға қасиетті саналатын Рамазан айы біткеннен кейін Қазақстандағы мешіттердің барлығында айт намазы оқылып, түрлі қоғамдық шаралар ұйымдастырылатын. Айт кезінде әр отбасында дастарқан жайылып, адамдар бір-бірін мерекемен құттықтап, игі тілек тілеп, үйіне айттап келген мейманға арнайы әзірленген дәм ұсыну дәстүрге айналған.
Қарай отырыңыз: Әлем елдері Ораза айтты қалай қарсы алды? (2018 жыл).
Әлем елдеріндегі Ораза айт
1/11Ресей астанасы Мәскеудегі мешіттердің біріндегі айт намазы. 15 маусым 2018 жыл.
Мұсылмандардың ұлық мерекесі Ораза айт мейрамы басталды. Рамазан айы бойы ауыз бекітіп, ораза тұтқан мұсылмандар 15 маусымда (кей елдерде 14 маусым) таңертең мешіттерде айт намазын оқыды. Намаз оқылғаннан кейін ораза айы бітіп, үш күндік айт мейрамына ұласты.
Сайт бұғатталып тұрса да, материалды осы сілтемемен кіріп оқуға болады
Previous slide
Next slide
Жексенбі күні президент Қасым-Жомарт Тоқаев елді Ораза айт мерекесімен құттықтады деп хабарлады Ақорда.
"Рамазан айында сабыр сақтап, төзімділік танытқанымыздың арқасында індетке байланысты қалыптасқан ахуал біршама тұрақтанды. Халқымыздың парасаты мол, бірлігі бекем болса, бұл сынақтан да сүрінбей өтеміз деп сенемін" делінген құттықтауда.
Биыл пандемияға байланысты әлем елдерінде Айт мерекесі күні өтетін фестивальдар, түрлі шараларға тыйым салынған.
18 мамырдан бастап Қазақстанның кейбір өңірлерінде мешіттер ашыла бастаған. Бірақ оған топ болып жиналуға шектеу қойылған.
Соңғы мәлімет бойынша, Қазақстанда 8322 адамнан коронавирус табылған. 4214 адам жазылған. 35 адам қайтыс болған.
