Қазақстан премьер-министрі Асқар Мамин денсаулық сақтау министрлігінің ұжымына мекеменің бірінші вице-министрі болып тағайындалған Алексей Цойды таныстырды. Бұл туралы үкімет басшысының баспасөз қызметі хабарлады.
Ол министр Елжан Біртанов коронавирустан жазылып шыққанша денсаулық сақтау министрінің міндетін атқарады. Осыған дейін министр міндетін оның орынбасары Ләззат Ақтаева атқарып келді.
Премьер-министр баспасөз қызметінің дерегінше, Алексей Цой 1977 жылы 2 сәуірде Оңтүстік Қазақстан облысында дүниеге келген. Түрлі жылдары Нұр-Cұлтан қаласындағы №1 қалалық аурухананың бас дәрігері, денсаулық сақтау және әлеуметтік даму вице-министрі, денсаулық сақтау вице-министрі қызметтерін атқарған. 2019 жылдың ақпанынан Қазақстан президенті іс басқармасының Медициналық орталығын басқарып келген.
ПІКІРЛЕР