Accessibility links

Нұр-Сұлтанда акция өткізген жаңаөзендіктерді полиция ұстап әкетті


"Өмірдің қызығын көрде жатып көрем бе?" Жаңаөзендіктер Ақордаға келіп жұмыс талап етті
please wait

No media source currently available

0:00 0:04:18 0:00

25 маусымда түс кезінде Ақорда маңында тұрақты жұмыс беруді талап еткен Жаңаөзеннің бірнеше тұрғынын арнайы жасақ өкілдері ұстап әкетті. Оларды қай бөлімшеге алып кеткені белгісіз. Азаттық тілшісі оқиға орнынан тікелей эфирде хабар таратты.

Бейсенбі күні түске дейін Ақорда маңында әлеуметтік мәселелерін айтып, шағымданған тұрғындар арасында 2011 жылғы Жаңаөзен оқиғасы кезінде жарақат алған мұнайшылар Ермұхан Иманалиев және Мұханбет Серікбаев, "тергеу абақтысындағы азаптау" жайлы мәлімдеп, ауыр науқастан екі жыл бұрын қайтыс болған мұнайшы Мақсат Досмағамбетовтің шешесі, 12 баланың анасы Оңайгүл Досмағамбетова және оның ұлы Қайрат Досмағамбетов те болған еді.

Наразылардың айтуынша, олар бұған дейін жұмыс сұрап, барлық қажетті мекемелер мен органдарға, "Өзенмұнайгаз" компаниясына барып, арыз-шағымдарын айтқан. Алайда талаптары сол күйі орындалмаған.

Оқи отырыңыз: Ақорда маңында жаңаөзендіктер тұрақты жұмыс талап етіп, акция өткізіп жатыр

Бастапқыда штаттық киімдегі және арнайы жасақ өкілдері, Нұр-Сұлтан қалалық полиция басқармасы басшысының бірінші орынбасары Бақытжан Малыбаев наразыларды бақылап тұрған. Кейіннен арнайы жасақ өкілдері келіп, олардың қолын қайырып, кейбірін көтеріп ұстап әкетті.

  • 16x9 Image

    Сәния ТОЙКЕН

    Сәния Тойкен Азаттық радиосында 2007 жылдан бері жұмыс істейді. ҚазҰУ-дің журналистика факультетін бітірген. Республикалық  "Қазақстан пионері", "Жас Алаш" газеттерінде тілші болған. Қазақстан Республикасы Жекешелендіру жөніндегі комитетінің баспасөз хатшысы қызметін атқарған. Атырау облыстық "Ақ Жайық" газетінде  тілші, қазақ редакциясының редакторы, Маңғыстау облысында шығатын "Не хабар?!" апталығының редакторы болып жұмыс істеген. 

    Сәния Тойкен 2017 жылы журналист әйелдердің халықаралық қоры (IWMF) тағайындаған "Журналистикадағы батылдығы үшін" сыйлығын иеленді. Ол - бұл беделді сыйлықты алған алғашқы қазақстандық журналист.

ПІКІРЛЕР

XS
SM
MD
LG