Қазақстанның Қытаймен шекарасындағы "Нұр жолы" кедені алдында жүк көліктерінің ұзындығы 50 шақырымнан асатын кезек пайда болды. Көлік жүргізушілерінің кейбірі бір айға жуық кезекте тұрғанын айтады. Қазақстан тауарын экспорттайтын кәсіпкерлер "бізді кезексіз өткізуі тиіс" деп санайды. Ал кеден басшылығы мен шекара қызметінің айтуынша, коронавирус инфекциясына байланысты Қытай Қазақстаннан келетін жүк көліктеріне қойылатын талапты қатайта бастаған.