Accessibility links

Қазақстанда өткен тәулікте мыңға жуық адамнан коронавирус табылды, 30 адам қайтыс болды


Аурухана алдында тұрған маска таққан адам. Алматы, шілде айы 2020 жыл.
Аурухана алдында тұрған маска таққан адам. Алматы, шілде айы 2020 жыл.

6 тамызда Қазақстанда 980 адамнан коронавирус инфекциясы анықталған. Бір күнде 30 адам коронавирустан қайтыс болған. Бұл туралы Қазақстан денсаулық сақтау министрлігі хабарлады.

Тәулік көрсеткіші бойынша әдеттегідей Нұр-Сұлтан (186) және Алматы (175) қалалары көш бастап тұр. Ең төменгі көрсеткіш Ақтөбе (2) облысында тіркелген.

Қазақстанда барлығы 96 922 адамның коронавирус жұқтырғаны расталған.

Алматы қаласында - 12 995 (+175 адам жаңадан қосылды),
Нұр-Сұлтан қаласында -12 530 (+186),
Атырау облысында - 10 511 (+44),
Қарағанды облысында - 9 160 (+85),
Шығыс Қазақстан облысында - 7 045 (+92),
Батыс Қазақстан облысында - 6 160 (+58),
Шымкент қаласында - 5 070 (+26),
Алматы облысында - 4 623 (+46),
Жамбыл облысында - 3 804 (+40),
Павлодар облысында - 3 469 (+22),
Солтүстік Қазақстан облысында - 3 419(+45),
Қызылорда облысында -3 143 (+33),
Ақтөбе облысында - 3 085 (+2),
Маңғыстау облысында - 3 063 (+33),
Қостанай облысында - 2 988 (+35),
Түркістан облысында - 2 929 (+27),
Ақмола облысында - 2 928 (+31).

Ресми мәлімет бойынша, коронавирустан жазылып шыққандар бір күнде 1 809 адамға артып, 70 680­-ге жетті. Вирустан барлығы 1189 адам қайтыс болған. Бұл дерекке коронавирус инфекциясын жұқтырған бірақ "ілеспе аурудан қайтыс болды" деген адамдар мен коронавирустық пневмониядан қайтыс болғандар кірмей отыр.

Қазақстан 2 тамызда алғаш рет зертханалық анализбен расталмаған коронавирустық пневмония дерегін жариялай бастады. Бірақ оған 1 тамызға дейін тіркелген науқастар енбеген.

Coronavirus2020.kz сайтындағы мәліметке сәйкес, Қазақстанда 1 тамыздан бастап 9 584 адамның коронавирустық пневмонияға шалдыққаны расталып, дерттен 102 адам көз жұмған.

ПІКІРЛЕР

XS
SM
MD
LG