Сайт бұғатталып тұрса да, материалды осы сілтемемен кіріп оқуға болады
Джо Байден (сол жақта) мен Дональд Трамп (оң жақта).
АҚШ президенті Дональд Трамп қарашадағы сайлауда жеңіске жеткен Джо Байден елдің 46-президенті ретінде ант қабылдайды деп мойындады. Ол 6 қаңтарда Капитолийдегі өзінің ашулы жақтастарының бассыздығынан кейін билік транзиті "қалыптасқан жолмен" жүретінін айтты.
6 қаңтарда Трамптың ашулы жақтастары Конгрестің сайлау нәтижесін мақұлдау процесіне кедергі келтіріп, Капитолийге басып кірген. Бассыздықтан төрт адам қайтыс болды. 52 адам ұсталды. 7 қаңтарда Конгресс жұмысын қайта жалғастырып, Байденнің жеңісін мақұлдады.
"Сайлау нәтижесімен мүлде келіспесем де 20 қаңтарда билікті табыстау процесі ұйымдастырылады" деді Трамп мәлімдемесінде.
Трамп осыған дейін 3 қарашадағы сайлау нәтижесінде фальцификация болды деп дәлелсіз мәлімдемелер айтып келген.
6 қаңтарда, Конгрестің президент сайлауының дауыс беру нәтижесін мақұлдау отырысы алдында, Трамп Ақ үй жанында өз жақтастарына қайырылып, "біз ешқашан берілмейміз, ешқашан жеңілмейміз" деген еді.
Трамптың осы сөзінен кейін оның ашулы жақтастары 1,6 шақырым жерде орналасқан Капитолийге барып, басып кірді.
Олар Конгрестің сайлау нәтижесін рәсімдеу процесіне кедергі келтірді. Саясаткерлер жиын өтетін залды тастап кетуге мәжбүр болды. Олар жұмысын Вашингтонда коменданттық сағат енген соң жалғастырды.
9 қарашадағы сайлауда Байден сайлаушылар алқасының 306 дауысын, Дональд Трамп 270 дауысын алған. Кейін Трамп сайлау нәтижесімен келіспейтінін айтып, сотқа шағым түсірген. Сот оның 50 арызын қанағаттандырмай тастады.
Трамптың ашулы жақтастары Капитолийге қалай басып кірді?
1/19
Трамптың ашулы жақтастары Капитолий ішінде жүр. Осы жердегі атыстан бір әйел қаза тапты. Жергілікті басылымдардың жазуынша, Капитолий ішінде оқ тиген әйел ауруханада көз жұмған. Ол Трамптың жақтасы болған және АҚШ әуе қарулы күштерінде жұмыс істеген.
Сайт бұғатталып тұрса да, материалды осы сілтемемен кіріп оқуға болады
5/19
Республикалықтардың қарсылығына қарамастан Конгресс сайлау қорытындысын рәсімдеу процесін жалғастырмақ. Республикалықтардың талпынысы демократ Джо Байденнің президент қызметіне кірісуіне кедергі келтіре алмайды. Себебі демократтар Өкілдер палатасындағы басым орынға ие. 7 қаңтарда Конгресс Джо Байденнің сайлаудағы жеңісін мақұлдағаны хабарланды.
Сайт бұғатталып тұрса да, материалды осы сілтемемен кіріп оқуға болады
6/19Трамп жақтастарының бірі Капитолий ішінде отыр.
Трамптың әрекеттеріне қарсылығын білдіріп жүрген вице-президент Майк Пенс сессия жұмысы қайта жалғасқан соң "Капитолий ішінде хаос жасау арқылы сіздер жеңіске жете алмадыңыздар" деді.
Сайт бұғатталып тұрса да, материалды осы сілтемемен кіріп оқуға болады
8/19Оқиға болып жатқанда Дональд Трамп Twitter желісінде сайлаудағы фальсификация туралы бірнеше жазба жариялап, ашулы жақтастарын тарауға шақырды. Кейін Twitter Трамптың аккаунтын 12 сағатқа бұғаттап тастады.
Сайт бұғатталып тұрса да, материалды осы сілтемемен кіріп оқуға болады
12/19Байден 20 қаңтарда президент қызметіне кірісуі тиіс. Ал инаугурация алдындағы сайлаушылар коллегиясының дауысын санау әдеттегі шара еді. Бірақ бұл процесс биыл кейбір республикалық депутаттардың қарсылығына байланысты үлкен дебатқа айналды.
Сайт бұғатталып тұрса да, материалды осы сілтемемен кіріп оқуға болады
15/19Капитолийдегі жиын алдында Трамп Ақ үй жанында өз жақтастарына қайырылып, БАҚ-ты "қызметім мен сайлауалды кампаниям жайлы анық емес ақпараттар жариялады" деп айыптады. Ол "біз ешқашан берілмейміз, ешқашан жеңілмейміз, ұрлықты тоқтатыңыздар" деді жиналғандар алдында. Трамптың осы сөзінен кейін жақтастары 1,6 шақырым жерде орналасқан Капитолийге беттеді.
Сайт бұғатталып тұрса да, материалды осы сілтемемен кіріп оқуға болады
19/19Капитолий алдындағы көрініс.
9 қарашадағы сайлауда Байден сайлаушылар алқасының 306, Трамп 270 дауысын алған. Кейін Трамп сайлау нәтижесімен келіспейтінін айтып, сотқа шағым түсірген. Сот оның 50 арызын қанағаттандырмай тастады.
