Өзбекстанда латынға негізделген жаңа әліпби жобасы талқылауға шығарылды.
Өзбекстан ғылым академиясы әзірлеген, 16 наурызда жарияланған жобаға сәйкес, жаңа әліпбиде 28 әріп, бір диграф (ng) және айыру белгісін білдіретін бір апостроф бар.
Жобада F әрпін – Ḡ ḡ, Ш ш әрпін – Ş ş, Ч әрпін Ç ç етіп таңбалауды ұсынған. Осылайша өзбек әліпбиі өзге түркітілді елдерде қолданылатын латынға негізделген әліпбиге барынша жақындады деп жазды Азаттықтың Өзбек қызметі.
Жобаны талқылау 31 наурызға дейін созылады.
Өткен айда Өзбекстан үкіметі 2023 жылдан бастап өзбек әліпбиін латынға көшіруді біртіндеп жүзеге асыру туралы шешім қабылдаған. Елде латын әліпбиіне көшу процесі 1993 жылы арнайы заң қабылданған кезде басталған.
2017 жылы Қазақстан үкіметі 2025 жылға дейін латын алфавитіне көшуді жоспарлаған. Осыған ұқсас талпыныстар Қырғызстанда да байқалған. Орталық Азияда латын әліпбиіне көшу совет мұрасы мен Ресей ықпалын азайту талпыныстарымен байланысты. Көптеген республикаларда басқа жазу болған, бірақ совет билігі тұсында олардың жазуы кириллицаға ауыстырылды.
ПІКІРЛЕР