"Рейтер" фототілшісінің мәйіті ауған билігіне табысталды
17 шілде күні "Рейтер" агенттігінің фототілшісі Даниш Сиддикидің мәйіті Қандағардағы ауруханаға жеткізілді. Ұлты үнді 38 жастағы Сиддики содан бір күн бұрын ауған үкіметінің күштері мен "Талибан" арасындағы шайқас кезінде қаза тапқан. Қақтығыс Пәкістан шекарасына жақын Спин-Болдак елдімекенінде болған. "Талибан" тілшінің мәйітін Халықаралық Қызыл крест ұйымына табыстап, олар денені Қандағар ауруханасына апарған. Ауған билігі мәйітті Үндістан астанасы Делиге жеткізбек.
ПІКІРЛЕР