Оңтүстік Кореяға нәпақа табу үшін барған өзбек мигранттарын Корея билігі "еңбек келісім-шарттарын бұзғаны үшін" еліне қайтарды. Ақпаратты таратқан Өзбекстан еңбек көші-қон агенттігі Кореядан қанша өзбек мигрантының депортацияланғанын нақтыламады.
Агенттіктің мәліметінше, депортацияланған азаматтар Кореяның түрлі провинциясында еңбек еткен. Ол жаққа маусымдық жұмыстар істеу үшін (Е-8) бес айға барған.
Кореяға кетпес бұрын оларға еңбек келісім-шартын бұзудың құқықтық салдары жөнінде ескерту айтылған.
"Еңбек келісімін бұзған және жұмыс орнын заңсыз тастап кеткен азаматтарды Корея Республикасының көші-қон қызметі ұстаған" делінген агенттік хабарламасында.
Оңтүстік Корея Орталық Азияның еңбек мигранттары көп баратын елдер қатарына кіреді. Оңтүстік Кореяның көші-қон қызметінің дерегінше, 2017 жылы елде 62 мыңнан астам өзбек азаматы болған. Бұл елде Орталық Азия елдерінен барған еңбек мигранттары қатарында қазақстандықтар да бар.
ПІКІРЛЕР