Accessibility links

БҰҰ Қауіпсіздік кеңесі Пхеньянның зымыран сынағына қатысты шұғыл жиналыс өткізеді


Солтүстік Корея ұшырды делінген зымыран суреті.
Солтүстік Корея ұшырды делінген зымыран суреті.

БҰҰ Қауіпсіздік кеңесі Солтүстік Кореяның баллистикалық зымыран сынауын 19 қазанда шұғыл жиналыста талқылайды. Кездесу АҚШ, Ұлыбритания және Франция бастамасымен өтеді. Бұл туралы NHK жапон арнасы хабарлады.

БҰҰ Солтүстік Кореяға қарсы ядролық және зымыран әскери бағдарламаларын дамытқаны үшін санкция салған. Соған қарамастан Пхеньян атом қаруының жаңа түрлерін сынақтан өткізуін доғарар емес. Орталық телеграф агенттігінің ресми мәлімдемесі бойынша, 19 қазанда жаңа баллистикалық зымыран сүңгуір қайықтан сәтті ұшырылған.

Солтүстік Кореяның су асты флоты мықты, онда 70-90 дизель сүңгуір қайығы бар. Солардың біріне ядролық қару орнату аймақтағы тұрақтылықты бұзады. Оның үстіне, Солтүстік Корея биыл сегіз ірі сынақ өткізген.

15 және 28 қыркүйектегі сынақтардан соң Қауіпсіздік кеңесі бірлескен мәлімдеме қабылдауға талпынған, алайда оған Ресей мен Қытай өкілдері кедергі жасады, деп хабарлады NHK.

ПІКІРЛЕР

XS
SM
MD
LG