Қытай қазағы Ерсін Еркінұлы Украинадан "батыс елдеріне кетті"

Қытайдан қашып, бір жарым жыл Украинада тұрған қазақ Ерсін Еркінұлы - соғыс басталған соң босып кеткен миллион адамның бірі. Ол Киев қаласынан 25 ақпанда шығып, 3 наурызда Польша аумағына өткен. 4 наурызда батыс елдерінің біріне жолға шықтым деген азаматты Азаттыққа Украина шекарасындағы ахуалды баяндап берді.