"Ресейде бөтен екенімізді түсіндік". Қазақстанға көшкен украин отбасының хикаясы

Наурыз айының басында он жылдан бері Ресейде тұрған Петр Микитенко отбасымен үй-жайын, жұмысын тастап Қазақстанға көшуге мәжбүр болды. Ресейдің Украинаға шабуылынан соң украин отбасының өмірі өзгерген. "Мәскеуде моральдық, психологиялық тұрғыдан шыдап, өмір сүру мүмкін емес" деген ол Шымкентте уақытша тіркеуге тұрып, жалдамалы жұмыс тапқан.