Қазақстанда 5 маусым күні конституцияға енетін өзгерістер жобасына байланысты референдум өтті. Орталық референдум комиссиясы дауыс беруге құқылы тұрғындардың 68 пайызы таңдау жасағанын, олардың 77 пайызы жобаны қолдағанын мәлімдеді. Тәуелсіз бақылаушылар ресми ақпаратпен келіспейді. Олар учаскелерде заң бұзушылық болғанын, азаматтардың көбі жұмыс орнынан басшылықтың талап етуімен дауыс бергенін және көбі есеп үшін фотоға түскенін, комиссия мүшелері тәуелсіз бақылаушыларға қысым жасағанын айтады.