Бұған дейін жұмысшылары техника әбден ескіргенін, еңбекке қолайлы жағдай жоғын айтып наразылық білдіріп жүрген Жаңаөзен қаласындағы "Кезби" мекемесінде мұнайшы өртеніп кетті. Тоқаев Санкт-Петербургке барар алдында Ресей журналисіне сұхбат беріп, Қаңтар оқиғасы кезінде өзіне "жолдастары" қашып кетуді ұсынғанын айтты. Ал екі күн бұрын экс-президент Назарбаевтың Путинмен не үшін кездескенін билік өкілдері әлі білмейді. Қаңтар оқиғасында ескертусіз оқ атуға бұйрық берген президент Тоқаевты жауапқа тартуды талап етіп, кейін абақтыға қамалған саясаткер Жанболат Мамай 34 жасқа толды. Жақтастары оны түрме алдына жиналып құттықтады.