17 жасында "азапталған" Сәкен. Қаңтарға қатысқан бозбаланың көргені

17 жасында Қаңтар оқиғасына байланысты қамауға алынған Сәкен Тәліпов шартты жаза алып, босап шықты. Ол тергеуде әбден азапталып, құқық қорғау органы қызметкерлерінен қорлық көргенін айтады. Қамауда денсаулығы нашарлаған жігіт алдымен емделіп, кейін жұмысына қайта кіріспек. Сәкен өзін азаптағандардың жазалануын талап етіп, арыз жазған. Қылмыстық іс қозғалғанымен, әлі күдікті жоқ.