"Шаңырақ оқиғасы" бойынша ұзақ жылға сотталған Құрманғазы Өтегенов 19 тамызда таңертең түрмеден босап шықты. Ол 2006 жылғы 14 шілдеде Алматының шетіндегі Шаңырақ елдімекенінде болған оқиғаға қатысқаны үшін 16 жылға сотталған. Ол "Шаңырақ ісі" бойынша түрмеден шыққан соңғы тұтқын. Белсенділер істің саясиланғанын айтып, үкімді қайта қарауды талап еткен. Осы іс бойынша 18 жылға сотталып, 15 жылын түрмеде өткізген, былтыр күзде денсаулығына байланысты босатылған диссидент, ақын Арон Атабек түрмеден шыққаннан кейін көп ұзамай ауруханада қайтыс болған.