Кезектен тыс президент сайлауына қатысатындардың бірі "президент болғысы келмейді", бірі жілік шағып, бірі шеге майыстыра бастады. 1999 жылы мерзімінен бұрын өткен президент сайлауына Ғани Қасымов та эфирде ваза лақтырып, стақан сындырып көзге түскен. Сарапшылар Нұрсұлтан Назарбаев Қазақстанда сайлау тартысты өтіп жатқанын көрсеткісі келді әрі қауіпті бәсекелесі Серікболсын Әбділдинге берілуі мүмкін электорат дауысын бөліп жіберуді көздеді деп болжайды.