Қазақстан президенті сайлауына кандидаттардың қорындағы ақшасы мәлім болды. Өзге бес кандидаттың ақшасын біріктірсе де президент Қасым-Жомарт Тоқаевтың қаражатына жетпейді. Қаңтар оқиғасы кезінде абақтыда азапталғандардың шағымы бойынша қозғалған қылмыстық істердің 80 пайызы қысқарып кеткен. Азап көргендер тергеудің шала болғанын айтады. Украина президенті Ресейдің электр және су қондырғыларын атқылауын қорқақтыққа балады. Ал АҚШ зымыран ұшыруын жиілеткен Солтүстік Кореяға сес көрсетті.