Қазақстанда президент сайлауы қарсаңында азаматтық белсенділер ұсталып жатыр. ҰҚК "20 қараша күні жаппай тәртіпсіздік ұйымдастырмақ болған" топты "әшкерелегенін" мәлімдеді. Сайлау алдында тәуелсіз бақылаушылардың да әр түрлі қысым туралы айтып, шағымдануы жиіледі. Бірі жиын өткізбек болған кеңседе жарық өшіп қалған, тағы бірін әлеуметтік желіде қаралайтын жазбалар көбейген. Қарақалпақ автономиясын сақтап қалуды жақтаған белсенді Тілеубике Юлдашева Ақтөбеде қырық күнге қамалды.