Тәліптер қадағалайтын Ауғанстанның "Брешно" электр энергиясы компаниясы қазір Тәжікстан және Түркіменстанмен келіссөз жүргізіп жатыр.
Аталған компания өкілі Өзбекстан энергия беруді екі есеге қысқартты деп мәлімдеді. Өзбек жағы мәселені техникалық ақаулармен байланыстырды.
Қазір Ауғанстанға экспортталатын энергия сағатына 430-дан 200 МВт-қа дейін қысқарған. "Брешно" компаниясының мәлімдеуінше, Өзбекстан үш күн ішінде проблема шешіледі деген. Бірақ сол күйі қалған.
"Талибан" бақылайтын ауған радиосы мен ұлттық телеарнасы "Брешно" Тәжікстаннан электр энергия ала бастады деп мәлімдеді.
Қазір Тәжікстанның өз ішінде электр энергиясын тұтынуға байланысты шектеу енгізілген. Тұрғындар жарықтың жиі сөнетінін айтып шағымданған. "Барки точик" мемлекеттік энергохолдингі бұл энергияны үнемдеу жолындағы мәжбүрлі шара деп мәлімдеген.
Кабул - тәжік электр энергиясын басты сатып алушы. Биыл алғашқы алты айда сағатына 734 млн кВт импорттаған. Бұл алдыңғы жылмен салыстырғанда 276 млн кВт-қа көп.
ПІКІРЛЕР