АҚШ президенті Джо Байден 2023 жылы қорғаныс саласына 858 млрд доллар бөлуді қарастыратын жобаға қол қойды. Бұл 2022 жылдың бюджетімен салыстырғанда 80 млрд-қа көп.
Қаражаттың 800 миллионы – Украинаға бөлінеді, 6 миллиарды Еуропада Ресейді тежеу үшін жұмсалады.
10 млрд долларды Вашингтон Тайваньға әскери көмек ретінде береді.
Құжат ядролық қару алып жүре алатын B-21 шабуылдаушы ұшақ құрастыру бағдарламасын толық қаржыландыруды қарастырады. Жоба армияға тағы F-35 истребителінің 36 данасын сатып алуға рұқсат етеді. Флот жаңа кеме құрастыру үшін 32 млрд доллар қаражат алады.
Қорғаныс бюджетіне арналған жоба 4408 беттен құралған. 50 миллиард доллардан астам қаражат АҚШ-тағы әскери госпитальдар инфрақұрылымын жақсартуға бөлінеді. Әскери және азаматттық қызметкерлердің жалақысы 4,6 пайызға көбейеді.