Қазақстандық теннисші Елена Рыбакина мен Анастасия Павлюченкова жұбы Мельбрунде өтіп жатқан Australian Open жарысының үшінші кезеңінде жеңіліп қалды. Рыбакина мен Павлюченкова жұптары жапондық Уко Аояма мен Эна Шибахарамен кездесіп, 2:6, 6:7 есебімен қарсыластарына жол берген.
Содан бір күн бұрын Рыбакина жекелей сында әлемнің бірінші ракеткасы, жарыс фавориті Ига Швентекті (Польша) жеңіп, ширек финалға шыққан.
Рыбакина былтыр Лондонда өткен Wimbledon жарысында жеңімпаз атанған. Ол – Grand Slam жарыстарында жекелей сында жеңіске жеткен алғашқы қазақстандық теннисші.
Рыбакина – Ресейде туылған, 2018 жылы Қазақстанка көшіп келген. Сол жылы маусымда Қазақстан теннис федерациясының шақыртуымен (федерацияны қазақстандық миллионер Болат Өтемұратов басқарады) Қазақстан азаматтығын алған.
Australian Open, Wimbledon, Парижде өтетін Roland Garros және Нью-Йоркте болатын US Open турнирлері теннистен қаржылық сыйақысы көп беделді Grand Slam жарыстарының қатарына енеді.
ПІКІРЛЕР