- Атбасардағы түрмеде азапталған белсенді Тимур Дәнебаевтың туыстары президент Қасым-Жомарт Тоқаевқа үндеу жолдады. Бұл оқиғаға қатысы бар түрме қызметкерлері де Тоқаевтан көмек сұрайды. - Қаңтар оқиғасында "Шал, кет!" деп ұрандатып, сотталған белсенді Әділет Мусин босап шықты. Сот кінәлі деп тапса да оған кесілген жазаның мерзімі біткен. - Талдықорған түрмесінде отырған журналист Думан Мұхамедкәрім аштық акциясын әлі тоқтатқан жоқ. Абақтыға барған әкесі ұлының әлі құрып, кездесуге шыға алмағанын айтты. - Солтүстік Корея баллистикалық зымыран ұшыра алатын алғашқы сүңгуір қайығын мұхитқа шығарды. Үндістан G20 саммитіне дайындалып жатыр. Украинаның Кривой Рог қаласына түскен Ресей зымыранынан бір адам қаза тауып, 44 адам жараланғаны хабарланды.