Қазақстан теннисшісі Елена Рыбакина (әлемнің екінші ракеткасы) Штутгардта өткен WTA-500 турнирінің жеңімпазы атанды. Ол финалда чехиялық Каролина Мухованы (әлемнің 12-ракеткасы) екі сетте жеңді - 7:5, 6:2. Рыбакина жеңімпазға берілетін Porsche көлігін иеледі әрі рейтингіне 500 ұпай қосты.
Қазақстан теннисшісі бұл жарыста екінші рет жеңіске жетіп, екінші рет көлік иеленді. Рыбакина бұл турнирді 2024 жылы да ұтқан.
Елена Рыбакина биыл қаңтарда Grand Slam жарыстары қатарына енетін беелді Австралия ашық чемпионатында жеңіске жеткен еді.
Қазір ол Беларусь теннисшісі Арина Соболенкомен әлемнің бірінші ракетасы атағына талас жүргізіп жатыр. Соболенко рейтингіде бірінші, Рыбакина екінші орында тұр.
