Батыс Қазақстанда туып-өскен 49 жастағы Наташа Қалымбетова әлеуметтік желіде шамамен 30 жыл бұрын өзін төрт ауылдас жігіт зорлағанын айтты. «Бұл оқиға маған жылдар бойы тыныш өмір сүруге мұрша бермеді, жанымның жарасы жазылмады» дейді ол. Наташа бұл азаматтардың жауапқа тартылғанын қалайды. Видео көп қаралып жатқан тұста БҚО полициясы бұл дерек бойынша қылмыстық іс қозғап, тергеу басталғанын хабарлады.