9 маусымда Ауғанстанның Герат қаласында әйел құқықтарын қорғауды талап еткен тұрғындардың наразылық шеруін тәліптер күшпен басты. Шеруге бірнеше әйелдің киім үлгісіне қойылған талаптарды сақтамады деген себеппен ұсталғаны түрткі болған. Оқиға куәгерінің айтуынша, кемінде бір адам қаза тауып, бірнеше адам жараланған. Ал тәліптер билігі қаза тапқандар мен жараланғандар туралы мәліметті де, әйелдердің ұсталғанын да растаған жоқ.