Йемен президенті Әли Абдулла Салехтің қарсыластары мен қолдаушылары жұма намазынан кейін елде шерулер өткізді.
Қаңтар айынан бері Йеменде наразылық шаралары жалғасып келеді. Үкіметке қарсы шерушілер 32 жыл елді басқарып отырған Салехтің биліктен кетуін талап етіп отыр.
Қауіпсіздік күштерімен арада болған қақтығыстарда кемінде 130 адам опат болды. Сәуірдің 22-де Салехтің мыңдаған қарсыластары Сана мен Таиз қалаларында наразылық шарасын өткізсе, оның мыңдаған қолдаушысы президент сарайы алдында жиналды.
