«Қымбатты Илья, миллиондаған қазақстандықтардың және жеке өз атымнан жарқын жеңісіңмен құттықтаймын! Табандылық, жігерлілік, биік спорттық шеберлік пен жеңіске жетуге деген құлшыныс таныта отырып, сен Қазақстанды дүниежүзілік ойындарда лайықты таныта білдің. Сенің айтулы табысың біздің спорт шежіремізге мәңгілікке енеді» делінген жеделхатта, деп хабарлайды Қазақстан президентінің баспасөз қызметі.
Нұрсұлтан Назарбаев қазақстандық атлетке денсаулық, бақыт және бұдан кейінде спортта жетістіктер тіледі.
Бейжіңдегі Олимпиада ойындарында Қазақстан ұлттық командасына алғашқы алтынды тамыздың 17 күні өткен зілтемір көтеру бәсекесінен Илья Ильин жеңіп алды. 94 келіге дейінгі салмақ дәрежесінде сынға түскен 20 жастағы Илья штанганы жұлқа көтеруден 180 кг, серпе көтеруден 226 кг салмақты басынан асыра ұстап, жиынтық 406 келі салмақпен бақталастарынан озды.
Сөйтіп, соңғы үш жылдың ішінде ауыр атлетикадан екі мәрте әлем чемпионы атанған қызылордалық дарынды жас бұл жолы Бейжің Олимпиадасында топ жарды.
Сөйтіп, соңғы үш жылдың ішінде ауыр атлетикадан екі мәрте әлем чемпионы атанған қызылордалық дарынды жас бұл жолы Бейжің Олимпиадасында топ жарды.
