Ресейде коронавирус жұқтырғандар 50 мыңнан асты
Ресейде коронавирус жұқтырған 52763 адам анықталған. Оның 29433-і Мәскеуде тіркелген. Осы кезге дейін коронавирустан 456 адам қайтыс болды. 3873 науқас дертінен сауықты.
Коронавирус инфекциясын жұқтырғандар Ресейдің барлық аймағында бар. Науқас саны жағынан тізім басында мемлекет астанасынан бөлек Мәскеу облысы (5959), Санкт-Петербург (1973), Нижегород облысы (860) мен Коми республикасы (507) тұр.
Алматыдағы коронавирус ахуалы туралы
Алматы қаласы денсаулық сақтау басқармасының 21 сәуірдегі мәліметі бойынша, кейінгі бір тәулікте қалада коронавирус жұқтырған 145 адам анықталған. Оның ішінде:
Орталық қалалық клиникалық аурухана қызметкерлері - 104
№12 қалалық емхана қызметкерлері - 12
қазіргі кезде провизорлық орталықта жатқан қалалық паллиативтік көмек орталығының қызметкерлері - 11
бұрын жұқтырғандармен байланыста болғандар - 18.
Алматы қаласы бойынша коронавирус жұқтырғандардың жалпы саны - 669 адам. Оның 88-і дерттен жазылып шыққан.
Екі науқастың жағдайы өте ауыр, алтауының жағдайы ауыр, 168 - орташа және
401 - қанағаттанарлық деп хабарлайды денсаулық сақтау басқармасы.
Тағы 24 адам коронавирустан жазылып шықты
Қазақстан денсаулық сақтау министрлігінің 21 сәуір, сағат 17:00-дегі мәліметіне сай, елде коронавирус диагнозы қойылғандардың 24-і дерттен айыққан:
- Нұр-Сұлтан қаласы - 17
- Қарағанды облысы - 2
- Ақтөбе облысы - 1
- Түркістан облысы - 4.
Қазақстан бойынша коронавирус жұқтырғандар - 1967 адам, оның 476-сы жазылып шықты. 19 адам қайтыс болды.
Вирус жұқтырғандар тағы он адамға көбейді
Қазақстан денсаулық сақтау министрлігінің 21 сәуір сағат 20:00-де таратқан мәліметіне сай, елде коронавирус жұқтырған тағы 10 адам анықталған:
- Нұр-Сұлтан қаласы - 2
- Алматы қаласы - 3
- Батыс Қазақстан облысы - 2,
- Маңғыстау облысы - 1
- Қостанай облысы - 2.
Қазақстан бойынша COVID-19 жұқтырғандар 1977 адамға жетіп отыр. 476 науқас жазылып, 19 адам қайтыс болды.
