2026 жылы физика саласындағы Нобель сыйлығы АҚШ-тың Висконсин-Мэдисон университетінде жұмыс істейтін бельгиялық ғалым Фрэнсис Хальценге IceCube нейтрино обсерваториясын құруға қосқан шешуші үлесі және астрофизикалық тектегі жоғары энергиялы нейтриноларды ("елестер бөлшектерін") ашқаны үшін беріледі.
1988 жылы Хальцен Жерге ғарыштың алыс қойнауынан жеткен нейтриноларды анықтау үшін оңтүстік полюстегі мұзды пайдалануды алғаш рет ұсынған. 2011 жылы Хальценнің арқасында Антарктидада жарыққа сезімтал мыңдаған детекторы бар бір текше километр мұздан тұратын IceCube обсерваториясы салынған.
Бұл детекторлар ғарыштан келетін жоғары энергиялы нейтриноларды анықтауға мүмкіндік береді. Бұл ғылымның жаңа саласын – нейтрино астрономиясын ашты делінген Нобель комитеті хабарламасында.
Бұдан бір күн бұрын физиология мен медицина саласы бойынша 2026 жылғы Нобель сыйлығы Карл Дейссерот (АҚШ), Питер Хегеманн мен Георг Нагельге (екеуі де Германиядан) берілетіні белгілі болған еді.
Осы аптадағы сәрсенбі күні химия саласы бойынша, 8 қазанда – әдебиет бойынша, ал 9 қазанда бейбітшілік саласында биылғы Нобель сыйлығы иегерлерінің аты-жөні жарияланбақ.
