Ақсай шатқалындағы монастырь

2 ақпан 2018 жыл, 09:00

Қуанышбек ҚАРИ

1917 жылы билікке жеткен большевиктер наным-сеніміне қарамастан дінбасыларды жаппай қуғындап, ғибадатханаларын тартып алды. 1921 жылы Алматы маңындағы Ақжар скиті - ерлер монастырында иеромонах Серафим, Фиогнест есімді дінбасылар Қызыл әскер қолынан қаза тапты. Орыс православие шіркеуіне қарасты бұл монастырды "Қасиетті Серафим, Фиогнест Ақсай шағын монастыры (пустынь)" деп, кейде "Ақсай скиті" деп те атайды. Ақсай шатқалындағы Қызылжар тауының басындағы монастырь шамамен 2 мың 160 метр биіктікте орналасқан.

Ақжар скитіне тоқсаныншы жылдардан бастап қайтадан монахтар келіп мекендей бастаған. Бертінде арнайы храм да салынғанымен, кейін оны бұзуға тура келген. Қазір Ақжар скитіндегі монахтар таудағы өздері егетін бауқа-бақша өнімдерімен күнелтеді.

Түгел оқыңыз Қысқарту

1 Ақсай шатқалындағы Ақжар скитіне қарай жүру бағытын көрсететін белгі. Скитке барушылар осы жерге көлігін қалдырып, әрі қарай тауға жаяу көтеріледі.

2 Ақжар скиті Қызылжар тауында орналасқан. Оған жету үшін монастырдың осы сыртқы қақпасынан өтіп қияға өрлеп шығу керек болады.

3 Ақжар скитіне көтерілер тұс. Монастырь аумағына кіру тәртібі көрсетілген белгі.

4 Скитке көтерілгенде демалу үшін қойылған орындық.

5 Ақжар скитінің ішкі кіреберіс қақпасы.

10 Скит ішіне бөгде адамдардың кіруіне тыйым салынған. Мұнда тек монахтар тұрады.

11 Бөгделердің кіруіне тыйым салынғаны туралы жазылған тақтайша.

13 Ақсай скитіндегі бұрынғы храм. Сурет Qazagstan Travel Guide - qtg.kz сайтынан алынды. Азаттыққа жариялауға рұқсат берілген сурет.

14 Ақжар скитінің жоғарғы бөлігі Сатылы шатқалына құлайды.

15 Монастырға Қырғауылды ауылы жағынан да баруға болады. Қырғауылды жолымен келген адамдар осы есік арқылы Ақжар скиті аумағына өтеді.

16 "Қырғауылды" ауылы жақтағы жолдан скитке келе жатқан адам.

17 "Қырғауылды" жолы жағынан скит орналасқан тұсқа қарағандағы көрініс.

18 Қызылжар биігінен Ақсай шатқалы мен Алматы қаласына қарағандағы көрініс.

Қуанышбек ҚАРИ

"Азаттық-70", "Азаттық толқынында" подкастарының және "Шайхана" блогының авторы. Азаттықтың Алматы бюросының бас редакторы болған. Әл-Фараби атындағы ҚазМҰУ-дің журналистика факультетін бакалавр дәрежесімен, Тегеран университеті парсы әдебиеті факультетін магистр дәрежесімен тәмамдаған.

Иран телерадиобірлестігі әлемдік қызметінде тілші, кейін қазақстандық бірнеше БАҚ-тың Ирандағы тілшісі қызметтерін атқарған. Қазақстандық ақпарат агенттіктерінде, газет-журналдарда тілші, бөлім меңгерушісі, бас редактордың бірінші орынбасары болған.