Баянжүрек петроглифтері

7 қыркүйек 2017 жыл, 10:11

Қуанышбек ҚАРИ

Баянжүрек тауы Алматыдан 375 км шамасында Жоңғар Алатауы аумағында, Алматы - Өскемен күрежолының Қапал бұрылысынан 57 км қашықтықта орналасқан. Таудың батыс беткейіндегі шатқалдардың бірінде тасқа қашап салынған петроглифтер кездеседі.

Баянжүрек петроглифтері - Алматы облысындағы туристік орындардың бірі ретінде аталғанымен, жеткілікті инфрақұрылым жасалмаған ашық аспан астында, күзет-қоршаусыз, иен жатқан тарихи ескерткіш. Баянжүрек тауының ұзындығы 20 км. Ал тау қойнауындағы петроглифтердің орнын тауып бару оңай емес. Өйткені тарихи ескерткіш тұсына әрқандай бір нақты белгі қойылып, тура жеткізетін жол салынбаған. Ел ішінен жөн сұрасып қана петроглифтердің жатқан орнын табуға болады.

Баянжүрек петроглифтерінің ең көнесі 3 мың жыл бұрынғы энеолит дәуіріне тиесілі деп есептеледі. Ақсу ауданы, Алматы облысы. 3 қыркүйек, 2017 жыл.

Түгел оқыңыз Қысқарту

1 Алматы - Өскемен күрежолы бойындағы Баянжүрек тауына бұрылатын тұсқа қойылған белгі. Баянжүрек тауына 22 км қалғанда да осындай бір белгі қойылған. Жол бойында одан басқа мәлімет те, белгі де кездеспейді. Осы бұрылыстан Қапал кентін басып өткен соң жолдың оң жақ қапталынан Баянжүрек тауы көрінеді.

3 Найза ұстаған салт атты адам және аң бейнелері.

4 Тауешкі - Баянжүрек петроглифтерінде жиі бейнеленген аң.

7 Садақ тартқан салт атты адам және аңдар бейнеленген суреттер.

8 Тастағы суреттерден тауешкі, қасқыр және садақ тартқан адам бейнелерін көруге болады.

12 Сурет салынған тастардың түсі де ерекше болып келеді.

15 Тасқа терең қашалып салынған тауешкі суреті.

Қуанышбек ҚАРИ

"Азаттық-70", "Азаттық толқынында" подкастарының және "Шайхана" блогының авторы. Азаттықтың Алматы бюросының бас редакторы болған. Әл-Фараби атындағы ҚазМҰУ-дің журналистика факультетін бакалавр дәрежесімен, Тегеран университеті парсы әдебиеті факультетін магистр дәрежесімен тәмамдаған.

Иран телерадиобірлестігі әлемдік қызметінде тілші, кейін қазақстандық бірнеше БАҚ-тың Ирандағы тілшісі қызметтерін атқарған. Қазақстандық ақпарат агенттіктерінде, газет-журналдарда тілші, бөлім меңгерушісі, бас редактордың бірінші орынбасары болған.