Accessibility links

Қарағанды оқиғасы: Қоғамдық даулар қалай шешіліп жүр?


Қарағанды оқиғасы: Қоғамдық даулар қалай шешіліп жүр?
please wait
Embed

No media source currently available

0:00 0:39:43 0:00

AzattyqLIVE хабарында биыл жаңа жыл түні Қарағандыдағы мейрамханада адам қазасына себеп болған жанжал және оқиғадан кейінгі қоғамдық дау мәселесі талқыланды. Бұдан бөлек соңғы күндердегі маңызды оқиғаларға да шолу жасалды. Хабарға саясаттанушы Дос Көшім қатысты.

Жаңа жыл түні Қарағандының "Древний Рим" мейрамханасында болған жаппай төбелестен 23 жастағы Рақымжан Жансейіт пышақ жарақатын алып, көз жұмған. Жарақаттанған үш адам ауруханаға жеткізілген. Олардың біреуі жансақтау бөліміне түскен. Кейін әлеуметтік желіде "төбелесті армян жігіттер бастады" деген ақпарат тарады. Қаңтардың 2-сі күні төбелес болған жерге ондаған адам жиналып, мейрамхананы жабуды, айыптыларды жауапқа тартуды талап етті. Адамдар жиналған маңда полиция күзеті де күшейді.

Қаңтардың 6-сы күні жүздеген адам Қарағанды орталығына жиналып, кісі өлтірген адамды ұстауды талап етті. Наразыларға Қарағанды облысының әкімі Ерлан Қошанов шығып, "әкім ретінде, президенттің өкілі ретінде" іс соңына дейін тексерілетінін айтып, уәде берді.

Қарағандыдағы оқиға әлеуметтік желі арқылы өте қызу талқыланды. Оқиғаның қоғамда даулы тақырыпқа айналуы неліктен? Адам өлімі болған мейрамханаға ертеңіне жиналған ондаған адамның, қаңтардың алтысына әкімдікке жиналған жүздеген жанның талабы не болды? Бұл оқиғада ұлтаралық араздық мәселесі байқалды ма? Ұйымдастырушылар бар ма? Қоғамдағы мұндай даулар кімге тиімді? Кикілжіңдер мен әлеуметтік шиеленістерді шешудің қазақстандық үлгісі қандай? Осы және өзге де маңызды оқиғаларға қатысты сауалдарға саяси сарапшы Дос Көшім жауап берді.

ПІКІРЛЕР

XS
SM
MD
LG