Алматы мен Астанадан Азаттықтың тікелей трансляциясы:
Астанадағы "Нұр Отан" партиясы орталық кеңсесінің жанында бірнеше адамды полиция ұстады. Билік өкілдері оларды не себепті ұстағаны туралы түсініктеме бермеді.
Астанада басталған "Нұр Отан" партиясының съезінде сөйлеген сөзінде президент Назарбаев 2019 жылдың 1 шілдесінен бастап бюджет қызметкерлерінің еңбекақысы көбейтілетінін мәлімдеді. Оның сөзінше, білім, денсаулық сақтау, әлеуметтік қорғау, мәдениет, спорт, ауылшаруашылығы және басқа салаларда жұмыс істейтін азаматтардың жалақысы өсірілмек. Билік бұл мақсатқа 2019-2021 жылдарға арналған бюджеттен қосымша 980 миллиард теңге бөлуді жоспарлап отыр.
Алматыда билік партиясы кеңсесінің алдына жиналғандардың кейбірі президент Нұрсұлтан Назарбаевтың биліктен кетуін талап етіп айғайлағанна кейін полиция жиынды күштеп таратуға кірісті.
ПІКІРЛЕР