Accessibility links

"Назарбаев кетсін!" деп айғайлағандарды ұстап әкетті

Астанада "Нұр Отан" партиясы съезі басталған күні Қазақстанның түрлі қалаларында азаматтар мен белсенділерді полиция бөлімшелеріне жеткізді. Алматыда полиция билік партиясы кеңсесі алдына талап айтып келген азаматтарды ұстады.


"Нұр Отан" саяси партиясының кеңсесі алдына келген адамдарды полиция ұстап жатыр. Алматы, 27 ақпан 2019 жыл.
11:45 27.2.2019

27 ақпанда Астанада "Нұр Отан" партиясының съезі басталды. Құрылғанына 20 жыл толған билік партиясының жиынына оның лидері, Қазақстан президенті Нұрсұлтан Назарбаев қатысып отыр. Бұл күні таңертеңнен бастап Алматы мен Шымкентте бірқатар азаматтар мен белсенділер полициядан шақырту қағазын алып, кейбірі полиция учаскелеріне жеткізілді.

11:49 27.2.2019

Алматыда таңертеңгі сағат 11:00 шамасында "Нұр Отан" партиясы кеңсесінің алдына келген азаматтарды полиция ұстады. "Азаматтарды не үшін ұстап жатсыздар?" деген Азаттық тілшісінің сұрағына полиция өкілдері жауап бермеді.

Азаттықтың оқиға орнынан тікелей трансляциясы:

11:56 27.2.2019

Азаттық тілшілерінің оқиға орнынан хабарлауынша, азаматтардың көбі биліктің ауысуын талап еткен. Кейбірі әлеуметтік жағдайының қиындығын айтып, биліктен көмек сұраған. Жиналғандарға шыққан адам өзін "Нұр Отан" партиясының жергілікті партия ұйымының жетекшісі әрі Алматының Алмалы ауданының әкімі Бекқали Торғаевпын деп таныстырып, наразыларға ғимаратқа кіруді ұсынды. Кеңсеге кіруден бас тартқан азаматтардың кейбірі "Назарбаев кетсін!" деп айғайлады.

"Нұр Отан" саяси партиясының кеңсесі алдына жиналған адамдар. Алматы, 27 ақпан 2019 жыл.
"Нұр Отан" саяси партиясының кеңсесі алдына жиналған адамдар. Алматы, 27 ақпан 2019 жыл.

11:58 27.2.2019

Ал Астанада "Нұр Отан" съезі болып жатқан ғимарат сыртында оннан астам азамат жиналып, мәселелерін билікке жеткізбекші болған. Бірақ полиция олардың жолын бөгеп, полиция бөлімшелеріне баруды ұсынған.

Тағы

ПІКІРЛЕР

XS
SM
MD
LG